ఆర్ ఎస్ ఎస్ ఫీడ్స్
ట్విటర్ లో ఫాలో అవ్వండి 
లఉదయం - సాయంత్రం
చలికాలం- వేసవికాలం
ప్రతి కాలంలోను
సుఖంలోను- దుఃఖంలోను
జీవితపు పరుగు పందెంలో
ఉంటాయి నాకవి తోడు.
అడుగడుగునా మౌనంగా
ఏ ఫిర్యాదు లేకుండా
ఏ ఆజ్ఞా లేకుండా
ఆరగిస్తాయవి నా క్షేమంకోసం-
నా వంతు ధూళిని, మురికిని, ముళ్ళని
విశ్రాంతి కలిగిస్తాయవి నాకు-
తమ సుతిమెత్తని దేహంపై
జీవితపు ప్రతి మలుపులోనూ
క్షణక్షణం చేస్తాయవి నాకు హితం-
నమ్మకస్తుడైన స్నేహితునిలా.
మరి నేనేమో
వాటి అందం అడుగంటిందనిపించగానే
వాటి ఉపయోగం తగ్గటం ప్రారంభంకాగానే
తీసిపారేస్తాను వాటిని చాలా తేలిగ్గా
విసిరిపారేస్తాను వాటిని బయటకు
ఒక్క విసురు విసిరి-
ఆ పాత చెప్పుల్ని
నా జీవితంనుంచి...
హిందీ మూలం : కంచన్ ఖన్నా
అనువాదం : డా|| వెన్నా వల్లభరావు
